ஒளியுடல் கரைத்த வள்ளலார்

                           திரு அருட்பிரகாச வள்ளலார் 

திரு அருட்பிரகாச வள்ளலார் 5-10-1823 ஞாயிற்றுக்கிழமை புரட்டாசி 21 ஆம் நாள் இராமையா- சின்னம்மை எனும் பெற்றோருக்கு  இராமலிங்கமாக அவதரித்தார். சிறு பருவத்திலிருந்தே இராமலிங்கம் இறைதேடலில்  இருந்தார். கல்லாமலேயே அவருக்கு தமிழில் சொற்பொழிவுத் திறனும் புலமையும், பிறமொழிப் புலமையும் மிகுதியாக இருந்தது. கல்வியும் கேள்வியும் இறைவனிடம் பெற்றதே அன்றி வேறு எவரிடத்தும் பெறவில்லை என திருவருட்பாவில் கூறியிருக்கிறார். 

கண்ணாடியில் முருகப்பெருமானின் திருக்காட்சி, பசித்தபோது புசிக்கச்செய்த வடிவுடையம்மையின் விருந்தோம்பலை இருமுறை பெற்றும், தண்ணீரில் விளக்கெரித்தல், இரும்பை தங்கமாக்குதல், வறண்ட பூமிக்கு மழை வருவித்தல், நவகண்ட யோகம் என பல அற்புதங்களை செய்வித்தார். 

இறுதியில் மரணம் என்பது நோய் அதனை மனிதரால் அருட்பெருஞ்ஜோதி ஆண்டவரின் துணையுடன் வென்று இறவா உடல் பெறலாம் என கண்டறிந்து அதற்கு உதவும் சன்மார்க்க நெறியைத் தோற்றுவித்தார் .  (vallarspace.com) 

சுத்த தேகம் - Perfect Body

ஜீவகாருண்யம், பக்தி, ஒழுக்கம், தவம் ஆகிய நான்கினாலும் அவருடைய தூல தேகம் சுத்த தேகம் - Perfect Body ஆயிற்று. சுத்த தேகத்தினால் 

12 வயது தோற்றம், பொன்வண்ணம், 

நரை, திரை, பிணி, மூப்பு, மல, ஜலம், வியர்வை, ஆகாரம், சாயைல்லாமை, 

ரோம வளர்ச்சி, தாழ்ச்சி இல்லாமை பெற்றார். 

இவ்வுடல் புகைப்படத்திலும் விழாது. 

இந்நிலையால் தோன்றி மறைய, இறந்தோரை எழுப்ப, நினைத்த இடம் செல்லும் சித்துக்கள் கிடைக்கப்பெற்றார். 

பிரணவ தேகம் - Body of Grace

அடுத்த நிலையாக பிரணவ தேகத்தினை (Body of Grace) அடைந்தார். 5 முதல் 8 வயது குழந்தை உருவாக மாறி தொட்டுப் பார்க்க இயலாத அருவுருவைப் பெற்றார். 

சுடர் போல தோன்றுமடா தூல தேகம் எனும் சித்தர் வாக்கு இதனை நிரூபிக்கின்றது. சித்துக்கள் அனைத்தும் கைவரப் பெற்றார். 

ஞான தேகம் -Body of Bliss

இறுதியாக ஞான தேகத்தினைப்  (Body of Bliss) பெற்றார். ஞான தேகம் என்றால் 

தோன்றியும் தோன்றாமலும் இருக்கும் தேகம் என்பார் வள்ளலார்.

 எனினும் அவர் எல்லோர் கண்ணுக்கும் தெரியும்படி தூரத்திலும் வாழவே செய்தார். இறவா அழியா தூல சுத்த தேகமும், சூட்சும பிரணவ தேகமும், காரண ஞான தேகமும் ஒருங்கே இணையப் பெற்ற பெரும் பேற்றை அடைந்தார். 

அவரது தூல உடல் பொன்னொளி நிரம்பி, அமுதம் ததும்பி, உடல் தாதுக்கள் எல்லாம் தெய்வீக மாறுதல் பெற்று, மரணம் இல்லாத தன்மை அடைந்தது. எலும்பும் தசையும் நெகிழ்ந்து, ரத்தம் இளகி, மூளை விரிந்து, சுக்கிலம் ஒரு துளியாக உறைந்து நிழல் இல்லா பொன்னுடல் பெற்றார். 

இத்தகைய ஞான உடலானது தன் அருகில் வரும் வேறு உடல்களை  தூய்மையுறுத்தி, உருமாற்றத்திற்கும் துணை செய்யும் என அறியலாம். 

 வள்ளலார் அருட்பெருஞ்ஜோதி ஆண்டவரை உலகின் பொருட்டு கொண்டு வரவும், தாம் வாழ்ந்த இடத்தில் நிலை நிறுத்தவும், தம் சிறப்பான வாழ்வால் ஏற்பட்ட திவ்ய சக்திகள் ஊன்றி நிலை பெறவும், எல்லோர் உடம்பிலும் புகுந்து கொள்ளவும் தம் உடலை 30-1-1874 அன்று - ஸ்ரீமுக ஆண்டு தை மாதம் 19 ஆம் நாள் வெள்ளிக்கிழமை இரவு 12 மணி அளவில் தன் சித்திவளாக மாளிகையின் அறையில் புகுந்து திருக்காப்பிட்டுக் கொண்டார் அடிகளாரின் ஆணையால் அறைக்கதவை சில நாட்கள் திறவாமல் சபை மக்கள் இருந்தனர். ஆனால் அரசாங்க ஆணையால் கதவை திறக்கும்படி ஆயிற்று. 

வள்ளலார் கூற்றுப்படியே “பத்திலிருந்து பதினைந்து தினங்கள் உள்ளே இருக்கப் போகிறேன்.  அவ நம்பிக்கை அடையாதீர்கள். அப்படியும் அறையினுள் பார்த்தால் யாருக்கும் தோன்றாது வெறும் வீடாக தான்  இருக்கும்படி ஆண்டவர் செய்விப்பார்; என்னைக் காட்டிக் கொடார்” எனும் கூற்றுப்படி வள்ளலார் மாயமாக மறைந்தார். 

உள்ளே சென்ற வள்ளலாருக்கு என்ன ஆயிற்று? 

ஸ்ரீ அரவிந்தர் ஆசிரமத்தில் உள்ள திரு கங்காதரன் அவர்கள் வழக்கமாக அதிகாலை இரண்டிலிருந்து மூன்று மணி வரை தியானிப்பார். 

*

அவ்வாறு 14-1-78 தை மாதம் முதல் நாள் தியானத்தில் இருக்கும்பொழுது சில தொடர்ச்சியான திவ்ய காட்சிகள் கிடைக்கப்பெற்றார். அக்காட்சி என்னவெனில் வள்ளலார் இறவாத்தன்மை அடைந்த தன் பொன் உடலை உலக நன்மையின் பொருட்டு கரைத்துக் கொண்ட தியாக காட்சியே ஆகும். திரு கங்காதரரின் தியான அனுபவத்தை காண்போம். 

என் தியானத்தின் முதல் காட்சியாக சொல்லொணாத பேரமைதியும்,  பரசாந்த் மௌனமும் எங்கும் நிறைந்திருக்க கண்டேன். அத்தகைய அருட்பேர் அமைதியிலும் அறிய இயலா தெய்வீக ஒலியைக் கேட்க முடிந்தது. இத்துடன் இக்காட்சி முடிந்தது. 

பின்னர் எளிய அழகிய சிறு கிராமம் ஒன்று தென்பட்டது. அங்கு

அருட்பெருஞ்ஜோதி ஆண்டவர் சாந்தித்தியமாக சத்திய ஞான ஜோதியுடனும் அற்புதமான நறுமணத்துடனும் வீற்றிருக்க கண்டேன். அவ்விடத்தின் தெய்வீகத்தன்மை இவ்வாறு பொலிவு பெற்றதைக் கண்டு என் இதயம் அருட்பெரும் கருணைக்கு ஏங்கலாயிற்று. 

 கிராமத்தின் நடுவில் தூய எளிய சிறு வீடு ஒன்று கண்டேன். அருட்பெரும் கருணை அவ் வீட்டிலிருந்து எங்கும் வியாபித்துக் கொண்டிருந்தது கருணை நிறைந்த அடிகளார் அவ்வீட்டினுள் நுழைந்தார் அவர் முகம் பரமானந்தத்துடனும் மௌனத்துடனும் அமைதியுடனும் காணப்பட்டது கருணையே உருவாக காணப்பட்ட அவரது தூல பேருடன் சத்ய ஞான பேரறிவு என்னும் தவ ஒளியுடனும் சுத்த சிவமாகவும் காணப்பட்டது. 

அவர் உடல் முழுவதுமிருந்து அருட்பெரும் கருணை பிரவாகமாய் எங்கும் பரவிக் கொண்டிருந்தது. பொன் மொழியுடன் அவர் உடல் மிளிர்ந்து கொண்டிருந்தது. அவர் தாழ்வாரத்தில் இருந்த விளக்கின் திரியை தீண்டி விட அது பிரகாசமாய் எறியலாயிற்று பின் தன் அறைக்குள் நுழைந்து தாழிட்டுக் கொண்டார். 

வள்ளலார் மனக்கட்டையின் மீது விழித்திருந்த வெள்ளை துணியில் அமர்ந்து தியானிக்கலானார். அவரது தோற்றம் சத்ய ஞானக் குன்று போலவும், சத்திய ஞானப்பெரும் ஜோதி போலவும் காணப்பட்டது சத்திய ஜோதிப் பிழம்பாகவும் தனித்து அமைதியுடனும், தவ பிழம்பாகவும் விளங்கினார். இறைவனின் உயர் உருவாகத் திகழ்ந்தார். அவரது தூய ஒளி உடலில் இருந்து ஒளி வெள்ளமாக திக்கெங்கிலும் பரவிக் கொண்டிருந்தது. 

தனிப் பெரும் கருணையும் அருட்பேரருளும், கருணை ஒளியும் மறைப்பொருளான சத்தியத்தின் வெளிப்பாடே. இப்பேருண்மைகளே இப்பௌதீக உடலை இறவா பேரின்ப, பேரிளமை, பெருங்கருணையும் கொண்ட சாகா உடல் எடுக்கக் காரணமானவை. இவ்வாறு இத்தகைய தெய்வீக உடல் பெற ஒருவர் பேரருட்கடலின் ஆழம் வரை சென்று அக்கருணை ஒளியுடனே ஒன்றி வாழ்ந்து அதுவே தன் இயல்பாய் பெற்றால் மட்டுமே இயலும். 

வள்ளலார் உடலில் இருந்து வெளிப்பட்ட ஒளிவெள்ளம் மிக மிகப் பிரகாசமாக இருந்தது. அவ்வொளிப் பிரவாகத்தை பார்க்கவும் உள்வாங்கி கிரகிக்கவும் தனிப் பயிற்சி பெற்றிருந்தால் மட்டுமே இயலும். அவ்வொளிப்பிரவாகத்தைக் கண்டு என் உடல் முழுமையும் ஆனந்தமும் முழுமையும் அடைந்து சிலிர்த்தது. 

சிறிது நேரத்திற்கு பின் வள்ளலார் எழுந்து சென்று வானத்தை பார்த்தார். பௌர்ணமி நிலா தன் கிரணங்களை புவியின் மீது பரப்பிக் கொண்டிருந்தது நிலவிலிருந்து சற்று தொலைவில் மிகப் பிரகாசமான திடமான ஒளி தெரிந்தது. அது ஒரு பிரகாசமாக சுடர்விடும் நட்சத்திரம் ஆகும். அடிகளார் சற்று நேரம் அதனைப் பார்த்துக் கொண்டிருந்தார். அதனால் அவர் இதயம் பேரானந்தம் நிறைந்து, முகமும் ஆனந்தமாக காணப்பட்டது. பின் சற்று நேரத்தில் மறுபடியும் பலகையில் அமர்ந்து அதீத தியானத்தில் ஈடுபட்டார். 

இவ்வாறு அவர் தியானத்தில் ஒன்றுவிட்ட நிலையில் அவர் இதயத்தில் இருந்து மிகப் பிரகாசமாய் ஒளிரும் சத்யா அருட்பெரும் கருணை ஜோதி திசை எங்கும் பரவியது தனித்தன்மையான எரித்தலால் அவர் தூல உடல் மேல்நோக்கி இருதயத்திலிருந்து தலை வரை ஒரு நத்தையின் வேகத்தில் ஊதுபத்தி எரிவது போல எரிய ஆரம்பித்தது. ஆனால் ஊதுபத்தி உள் சூட்டினால் கீழ்நோக்கி எரிந்து சாம்பலாகும் அடிகளார் உடலோ மேல்நோக்கி இருந்தாலும் சாம்பல் தட்டாமல் இருந்தது. 

மேல்புறமாக அவரது பிரகாசமான உடல் முழுவதும் எரிந்த பின் அவ்விடத்தில் தூய வெண்மையான பொருள் பிரகாசமாக முழுமையான ஞான உணர்வுடனும் இருந்தது. எரிந்த பகுதியில் உள்ள உடல் அமைப்புகள் சிதையாமல் அப்படியே இருந்தது அவரது எரிந்த முடியும் கூட ஒளிரும் வெண்மையான முடியாக இருந்தது. பின் அருட்பெரும் கருணையின் வெம்மையானது கீழ் நோக்கி தூல உடலை எரிக்கலாயிற்று. அவரது முழு உடலும் இவ்வாறு எரிந்தபின் அடிகளாரின் உடல் முழுமையும் தூய வெண் பொருளாக ஒளிர்ந்து கொண்டிருந்தது. அவரது ரத்தமும் கூட வெண்மையாக ஒளிவிடும் பொருளாக மாறிவிட்டது. 

அவ் வெண்மையானது அடிகளாரின் தூல உடலில் உள்ள அனைத்து அணுக்களையும் அதன் தன்மையினையும் உள்ளும் புறமும் அப்படியே வைத்திருந்தது அவரது உடல்வாகு சுருங்காமல் இருந்தது. 

அடிகளாரின் உயிருள்ள பௌதீக உடல் எரியும் பொழுது என் கண்ணுக்குத் தெரிந்து நெருப்போ தென்படவோ அல்லது அதன் வெம்மையோ தெரியவில்லை. கருகும் புகையோ, திசுக்கள் எரியும் நாற்றமோ, எலும்புகளின் சடசடப்போ கேட்கவில்லை ஆனால் ஒரு இனிய நறுமணம் அவர் உடல் எரிய ஆரம்பித்த முதல் எங்கும் பறவை கொண்டிருந்தது. என்னுள் நிலைத்து அமைதியும் சாந்தமும் நிறைந்த பேரானந்தமும் குடி கொண்டது. 

இப்போது இரண்டாம் கட்ட எரிதல் கரைத்தல் நிகழத்  துவங்கியது

தனித்தன்மை உடைய அருட்பெரு கருணை என்னும் சத்திய ஜோதியின் வெம்மை அடிகளாரின் ஒளிரும் வெண்மையான உடலை கீழ்நோக்கி எரிக்க ஆரம்பித்தது. அவ்வாறு எரித்தலால் வெண்மையான உடலானது ஞான உணர்வுடன் கூடிய மிக நுண்ணிய அணுவிற்கு அணுவான பருப்பொருளாய்க் கரைந்து, இப் பிரபஞ்சம் முழுக்க ஊடுருவி பரவி அப்பாலுள்ள தூய ஞான  உலகங்களிலும் ஊடுருவியது. 

அத்துய நுண்ணிய வெண்மையான பருப்பொருள்கள் தன் ஒளிரும் திறத்தால் பூவுலகில் அனைத்து இடங்களிலும் நுழைந்து பரவியது. இவ்வாறு அடிகளார் கரைத்த உடலின் அணுவிலும் நுண்ணிய பொருட்களை புவியின் பஞ்சபூதங்களில் பதித்தார். பூமிக்கு ஆதாரமான கருவெளியிலும் மரண தேவனின் கோட்டை தளமான பேர் இருட்டு பெரு நிலத்திலும் கூட நிரந்தரமாகப் பதித்து விட்டார். 

இவ்வாறு பிரபஞ்சம் முழுக்க பரவிய பின் காட்சிகள் கண்ணில் இருந்து மறைந்தன. ஆனால் எங்கும் இனிமையும் மென்மையும் நிறைந்த கற்பூர மணம் பரவி பேரானந்தத்தை என் இதயம் முழுக்க நிறைத்தது. 

பின் அடிகளாரின் அண்டமெங்கும் பரவிய பொன்னொளிர் நித்திய வடிவத்தைக் காணும் அரியபேறு கிட்டியது .அவரது பொன்னொளிர் உடல் விஸ்வக் பிரபஞ்சம் முழுக்க வியாபித்திருக்க கண்டேன் இவ்வுருவம் மறைந்தது. 

ஒளியை விட வேகமாக பரவும் பொன் ஒளி கொண்ட சத்ய ஞானமும் பேரருளும் திசையுங்கும் ஊடுருவி உலகின் மூலை முடுக்கு பூமிக்கு ஆதாரமான கரு வெளியிலும் ஜடப் பொருட்களிலும் பரவியது. எவ்வெப் பொருள்களில் எல்லாம் பொன்னொளி  படர்ந்ததோ அவையும் பொன் பொருளாய் மாறின. அப்பொன் ஒளி என் முழு ஆதாரங்களிலும் என் தூல உடல் முழுக்கவும் நிறைந்தது. என் உடல் முழுவதும் உள்ள அணுக்கள் அனைத்தும் நெகிழ்ந்து சுகானுபவத்தைப் பெற்றது. 

இவ்வகை திவ்ய காட்சிகளாலும் உணர்வுகளாகும் பரவசமாகவும் பேரானந்தத்திலும் லயித்திருந்ததால் இராமலிங்க அடிகளார் உரைத்த சில கருணை வார்த்தைகளை கேட்க இயலவில்லை.

மேலே விவரித்த காட்சி முடிய ஒரு மணி நேரம் ஆயிற்று. 

நாம் கண்ணால் காணும் ஒளியே எங்கும் வியாபித்திருக்கும் சத்திய ஞான அருட்பேரருருள் ஜோதியாகும். இச்சோதியே அனைத்து ஒளிகளுக்கும் காரணம். கற்பூரம் திடமான ஒளி வடிவமே. . 

அடிகளாரின் ஆன்மா அனைத்து பொருட்களிலும் பிரிக்க இயலா நிலையில் பரவி உள்ளது. தன் தேகத்தினைக் கரைத்து மறைந்ததால் பௌதீக சூழலில் பொன்மயமாகத் தங்கி உள்ளார் எனத் தெளியலாம். அனைத்து தத்துவங்களிலும் நிரந்தரத் தன்மை அடைந்து, கீழ் மேல் உலகங்களிலும் இருள் வெளி, ஒளி வெளிகளிலும் அவற்றினைக் கடந்தும் தெய்வீக பொன் ஒளி பெற்று நிரந்தரமாக அகண்டமாக உள்ளார். அப்பொன்னொளிர் கருணை ஜோதி மனிதரைத் தூய்மைப்படுத்தி தூல உடலை இறவா சத்ய ஞான உடலாக மாற்றும். 

இவ்வாறு தெய்வீகத்தை கண்டு அறிவதால் மட்டுமே உலக வாழ்வில் நாம் பரிணமிக்க முடியும். அருட்பெருஞ்ஜோதியால் அருட்பெருஞ்ஜோதி ஆண்டவரைக் கண்டு 

• நம்மையெல்லாம் தூய்மைப்படுத்த, 

• மரணமில்லா பெருவாழ்வு அளிக்க 

• நம் தூல உடல் தெய்வீக இளமை பெற 

• முதியவர்களையும் இளமைக்குத் திருப்ப 

• இறந்தவர்களையும் தூல உடலுடன் மீண்டும் உயிர்ப்பித்து எழுப்ப 

• எல்லோரும் அறியும்படி ஆண்டவருடன் இதுபோன்ற சித்துக்கள் வெளிப்படையாகச் செய்து வீதியிலே விளையாடிட 

 விழைந்தார். இதற்கெல்லாம் அடிப்படைக் காரணமான அருட்பெருஞ்ஜோதியை உலகலாம் களிப்படையும்படி வருவிக்கவும், வெளிப்படுத்தி நிலைநாட்டவும், அவ்வருட்பெருஞ் ஜோதி தழைத்து ஓங்கிடவும்  தம்மை ஒரு கருவியாகக் கருதி தமக்குக் கிடைத்த அருட்பெரும் பேறான அழியா உடலைத் தியாகம் செய்து அர்ப்பணித்துக் கொண்டார். மேலும் தாமே எல்லோர் உடலிலும் புகுந்து கொள்ள திருவுளம் கொண்டார். 

இராமலிங்க அடிகளாரின் இத்தியாகச் செயலினை உணர்ந்து அவர் வாழ்ந்து காட்டிய நெறிமுறையில் ஜீவகாருண்யம், சத்ய மெய் அறிவு, தெளிந்த ஞானம் போன்ற குணங்களைப் பெற்று இறவாப் பொன்னொளிர் உடல் பெற முயல்வோம். 

https://www.auro-ma-ramalingam.org/ramalingam-life/ 

அருட்பெருஞ்ஜோதி! அருட்பெருஞ்ஜோதி! தனிப்பெருங் கருணை அருட்பெருஞ்ஜோதி! 

அழகான பழனிமலை ஆண்டவா!

முருகா முருகா என அழைத்து

உருகி கரைந்திடு மனமே! அருமையான பாடல்! 

அழகானபழனி மலை ஆண்டவா

உன்னை அனுதினமும் பாட வந்தேன் வேலவா

வள்ளி மயில்நாதனே வா வடிவேலனே
வள்ளி மயில்நாதனே வா வடிவேலனே
வரவேண்டும் மயில் மீது முருகைய்யனே
முருகா முருகா முருகா முருக

அழகான பழனி மலை ஆண்டவா
உன்னை அனுதினமும் பாட வந்தேன் வேலவா
அழகான பழனி மலை ஆண்டவா
உன்னை அனுதினமும் பாட வந்தேன் வேலவா

வெள்ளைத் திருநீறும் வெற்றி வடிவேலும்
உள்ளத்தில் தோன்றுமே
வெள்ளைத் திருநீறும் வெற்றி வடிவேலும்
உள்ளத்தில் தோன்றுமே
வெள்ளி மயிலேறி வேலன் வருவதை
நெஞ்சம் காணுமே

வெள்ளைத் திருநீறும் வெற்றி வடிவேலும்
உள்ளத்தில் தோன்றுமே
வெள்ளைத் திருநீறும் வெற்றி வடிவேலும்
உள்ளத்தில் தோன்றுமே
வெள்ளி மயிலேறி வேலன் வருவதை
நெஞ்சம் காணுமே

எனை ஆளும் ஆண்டவனே
எழில் வேலவா.... 
எனை ஆளும் ஆண்டவனே
எழில் வேலவா... 

எளியேனும் உனைப் பாட
அருள்வாய் ஐயா
எளியேனும் உனைப் பாட
அருள்வாய் ஐயா
முருகா முருகா முருகா முருகா

அழகான பழனி மலை ஆண்டவா
உன்னை அனுதினமும் பாட வந்தேன் வேலவா
அழகான பழனி மலை ஆண்டவா
உன்னை அனுதினமும் பாட வந்தேன் வேலவா

நல்லதெல்லாம் என்னை நாடி பெருகிட
நல்லருள் செய்வாய்
நல்லதெல்லாம் என்னை நாடி பெருகிட
நல்லருள் செய்வாய்
தீயதெல்லாம் உடன் தீர்ந்து கருகிட
திருவருள் புரிவாய்

நல்லதெல்லாம் என்னை நாடி பெருகிட
நல்லருள் செய்வாய்
தீயதெல்லாம் உடன் தீர்ந்து கருகிட
திருவருள் புரிவாய்

உனை அன்றி வேறில்லை
தெய்வம் கந்தையா
உனை அன்றி வேறில்லை
தெய்வம் கந்தையா

உலகாளும் ஆண்டவனே நீதான் அய்யா
உலகாளும் ஆண்டவனே நீதான் அய்யா
முருக முருக முருக முருக

அழகான பழனி மலை ஆண்டவா
உன்னை அனுதினமும் பாட வந்தேன் வேலவா
அழகான பழனி மலை ஆண்டவா
உன்னை அனுதினமும் பாட வந்தேன் வேலவா

வள்ளி மயில்நாதனே வா வடிவேலனே
வள்ளி மயில்நாதனே வா வடிவேலனே
வரவேண்டும் மயில் மீது முருகைய்யனே
முருகா முருகா முருகா முருகா
முருகா முருகா முருகா முருகா

ஆறுமுத்தம்பிரான் தைபூச குருபூசை 2023

 தைப்பூச  குருபூசை

இந்த ஆண்டு சித்தர் ஸ்ரீ  ஆறுமுத்தம்பிரான் தைப்பூச குருபூசை விழா மிகச்சிறப்பாக 5-2-23 ஞாயிற்றுக்கிழமை மற்றும் 6-2-23 திங்கட்கிழமை மிகச் சிறப்பாக நடைபெற்றது. பல்வேறு ஊரிலிருந்து பல்லாயிரக்கணக்கான மக்கள் கலந்துகொண்டனர். பால் குடஙகள் காவடிகள் எடுத்து குருவிற்கு காணிக்களைச் செலுத்தினர். பிணிகளைக் களையும் மருந்தாக  அன்னதானம்  வழங்கப்பட்டது.  குருபூசை விழாவிலிருந்து சில காட்சிகள். 

ஆறுமுகத்தம்பிரானின் குருவார பூசை

 ஆவணி 10, வியாழக்கிழமை  26-9-21 அன்று, தம்பிரான் வாழ்ந்த திருத்தங்கல் நடுத்தெரு காவடிக்கூடத்தில்.. 

ஐயனின் பிரமிட் ஜீவசமாதியில்

பரவும் அற்புத அருளலைகள்



கந்தர் அநுபூதி விளக்கம்

கந்தர் அநுபூதி விளக்கம்


கந்தர் அ நுபூதி பாடல் வரிகள் மற்றும் இனிய ஒலி வடிவத்தில் கேட்க இங்கே அழுத்தவும்!


காப்பு

"சரணம்" என்று தம்மை வந்தடைந்தவர்களுக்கு அருள்புரியும் ஆறுமுகக் கடவுளின் அணிகலனாகக் கல்போன்ற நெஞ்சமும் இளகி உருகுமாறு செம்மையான இலக்கியத் தமிழ்ச் சொற்களால் தொடுக்கப் பெற்ற கந்தர் அநுபூதி என்னும் கவிமாலையானது சிறப்பாக அமையும் பொருட்டு ஐந்து கரங்களையுடைய திருவிநாயகப்பெருமானின் திருவடிகளைப் பணிந்து வணங்குகின்றேன்"

1."ஆடிவரும் குதிரையைப் போன்ற மயில் வாகனமே! வேலாயுதமே! அழகான சேவலே!" என்று துதி செய்து திருப்பாடல்களைப் பாடுவதையே அடியேனின் வாழ்நாட் பணியாக இருக்கும் படி அருள்புரிவீராக! "கஜமுகாசுரன்" எனப்படும் ஓர் அசுரன் பெரியதொரு யானையின் முகத்தையுடையவனாகத் தோன்றி விண்ணோர்களைப் பகைவர்களாகக் கருதி அவர்களைத் தேடிச்சென்ற போது, போர்க்களத்தில் அவனைக் கொன்றழித்த திருவிநாயகப்பெருமானின் சகோதரனாகிய கந்தப்பெருமானே!.

2.திருமுருகப்பெருமானே! விண்ணோர்களின் மன்னரே! உள்ளக் களிப்பும் கலக்கமின்மையும் அற்று, பல்வகை யோக மார்க்க வழிகள் சம்பந்தமான பேச்சுக்களில் ஈடுபட்டு மகிழ்ச்சியைத் தருபவர் தேவரீர் ஒருவரே அன்றோ! எல்லா விதமான பந்தங்களும், "யான்", "எனது" எனப்படும் ஆணவ மலங்கள் அழிந்து தொலைவதற்குரிய மேலான ஆன்மிக உபதேசங்களை அடியேனுக்கு உபதேசித்தருள்வீராக!

3.ஆறுமுகக் கடவுளே! "பரம்பொருள்" என்பது யாது? ஆகாயமோ? நீரோ? பூமியோ? நெருப்போ? காற்றோ? ஞானத்தினால் அறியக்கூடிய பொருளோ? ஓதப்படுகின்ற நான்கு வேதங்களோ? "நான்" என்று சொல்லப்படுகின்ற சீவனோ? மனமோ? "நீயே நான் - நானே நீ" என்று கூறி அடியேனை ஆட்கொண்டது தேவரீரோ?.

4.வளையல் அணிந்த கைகளையுடைய மனைவியொடு மக்கள் என்று சொல்லப்படும் குடும்பப் பந்தத்தில் அகப்பட்டு அடியேன் அழிந்து போவது நியாயமாகுமோ? அசுரர்களாகிய தன் சுற்றத்தினர் சூழ போரிடுவதற்கு எழுந்த சூரபன்மனின் மார்பையும் அவன் தன் சுற்றத்தினருடன் ஒளிந்திருந்த கிரவுஞ்ச மலையையும் தொளைத்துக்கொண்டு ஊடுருவிச் செல்லும்படியாக விடுவித்த வேலாயுதத்தையுடைய கந்தப்பெருமானே!.

5.இவ்வுலக வாழ்க்கையைச் சார்ந்த பொய்யான காட்சிகளாலும் நம்பிக்கைகளாலுமான பெரிய மாயையை நீக்க வல்ல கடவுளான திருமுருகப்பெருமான் தன் ஆறு திருமுகங்களாலும் பல வழிகளில் உபதேசித்து அருளிய தத்துவங்களை, அந்தோ, மீண்டும் நினைவு கூர்ந்து] சொல்லாமற் போய்விட்டேனே! "வீடு, துணிமணி, மாதர்கள்" ஆகியவற்றால் இறுதியில் பெரும் வருத்தத்தைத் தரும் பொய்யான இவ்வுலக மாயையில் அகப்பட்டுக் கொண்டு அதை உண்மை என்று நம்பி அடியேன் இன்னும் தயங்கிக் கொண்டிருக்கின்றேனே!.

6.அடியேனின் கடினமான கல்போன்ற மனத்தின் மீது தேவரீரின் திருவடிகளாகிய அழகு நிறைந்த தாமரைப் பூக்கள் மலரக்கூடுமோ? வள்ளியம்மையாரின் திருவடிகள் மீது குறையாத மிக்க காதல் கொண்ட கருணாகரனே! அடியேன் செய்ய வேண்டிய பணிகள் எவை என்று கூறுவீரோ?

.
7.அழிந்துபோகின்ற மனமே! நீ முக்திபெறும் வழியைக் கூறுகின்றேன், கேட்பாயாக! உன்னிடம் உள்ளதை மறைக்காமல் பிறருக்குத் தானமாகக் கொடுப்பாயாக! கூர்மையான வேலினைத் தாங்கிய இறைவன் திருமுருகப்பெருமானின் திருவடிகளை நினைந்து தியானம் செய்துவருவாயாக! நீண்ட காலமாகத் தொடர்ந்து வருகின்ற பிறவித் துன்பமாகிய வேதனையைத் தூளாக்கும் பொருட்டு அந்தத் துன்பத்தின் காரணமாகிய பற்றினைச் சுட்டெரிப்பாயாக! வினைகள் எல்லாவற்றிலிருந்தும் விடுபட்டிருப்பாயாக?.

8.குமாரப்பெருமானே! அடியேன் விரும்பி வாழும் ஊர், மனைவி மக்கள் முதலிய உறவினர்கள், "நான்" என்று சொல்லப்படுகின்ற ஆன்மா ஆகியவை பற்றிய அடியேனின் மயக்கம் கெடுமாறு உண்மைப் பொருளைப் போதித்தவரே! என்றென்றும் குமரனாகவும் இமய மலையரசனின் குமாரி பார்வதி தேவியின் மைந்தனாகவும் இருந்துகொண்டு, போர்க்களத்தில் போரிடும் சூரபன்மன் முதலிய அசுரர்களை அழித்த பெருமானே!..

9.தேன்சொரியும் நறுமண மலர்களால் அலங்கரிக்கப்பட்ட கூந்தலையுடைய பெண்களின் மோகவலையில் சிக்கிக் கொண்டு உள்ளம் தடுமாற்றம் அடையும் துன்பத்திலிருந்து அடியேன் எப்போது நீங்குவேன்? தடைகள் எதுவுமின்றி கிரவுஞ்ச மலையை ஊடுருவிச் செல்லும்படி வேற்படையை எறிந்த வலிமையுடையவரும், துன்பமும் பயமும் அற்றவருமான திருமுருகப்பெருமானே!.

10.கரிய எருமைக்கடாவின் மீது அடியேனின் உயிரைக் கவர்ந்து செல்லவேண்டி யமன் வரும்பொழுது அழகிய தோகைகளையுடைய மயிலின் மீது ஏறி அடியேன் முன்வந்து காப்பாற்றியருள்வீராக! மாலைகளால் அலங்கரிக்கப்பட்ட மார்பினையுடையவரே! "வலாரி" எனப்படும் இந்திரனின் விண்ணுலகத்திற்குப் விரோதியாகிய சூரபன்மன் ஒளிந்திருந்த மாமரம் அழிந்து போகுமாறு வேலாயுதத்தை வீசிய திருமுருகப்பெருமானே!

.

11."கூகா" என கூச்சலிட்டு அடியேனின் சுற்றத்தார் ஒன்று கூடி அழ அடியேன் இறந்து போகா வண்ணம் உண்மையான ஞானப்பொருளை எனக்கு உபதேசித்த பரம்பொருளே! "நாகாசலம்" எனப்படும் திருச்செங்கோட்டு மலை மீது வதியும் வேலாயுதனே! "ஆசு, மதுரம், சித்திரம், வித்தாரம்' என்னும் நான்கு வகையான கவிகளைப் பாடும் திறத்தை தேவரீரின் அடியார்களுக்கு வழங்கியருளும் பெருமாளே! வானுலகத்து சிரோ ரத்தினமே!

12.செவ்விய மான் ஈன்ற மகளாம் வள்ளி அம்மையாரைக் களவிற் கொண்டு சென்ற கள்வனாகிய பிறப்பும் இறப்பு இல்லாத திருமுருகப்பெருமான், "பேசாத மவுன நிலையில் சும்மா இருப்பாயாக" என்று அடியேனுக்கு உபதேசித்தவுடனே இவ்வுலகப் பொருள் எல்லாம் மறைந்து போனது வியப்பாகவுள்ளது.

13.ஒப்பற்ற வேலாயுதத்தை ஏந்திய திருமுருகப்பெருமான் நமது குரு என்று, அப்பெருமானின் திருவருளால் அறியாதவர் அப்பெருமானின் திருவருளை அறியும் தன்மையுடையவரோ? மெய்ப்பொருளாகிய திருமுருகப்பெருமான், உருவமுடையவரும் அல்லர், உருமற்றவரும் அல்லர், உள்ளதோர் பொருளும் அல்லர், இல்லாத பொருளும் அல்லர், இருள் சூழ்ந்த பொருளும் அல்லர், ஒளி பொருந்திய பொருளும் அல்லர்.

14.மனமே! ஒளிபொருந்திய வேலாயுதத்தை ஏந்திய திருமுருகப்பெருமானின் வீரக்கழல்கள் அணியப்பெற்ற திருவடிகளை அடைந்து முக்தியைப் பெறுவாயாக! உடல், வாய், கண், மூக்கு, காது ஆகிய ஐம்பொறிகள் வழியாக உண்டாகும் ஆசைகளை உறுதியாக விட்டு விடுவாயாக1.

15.முருகா, குமரா, குகா!" என்று மனம் உருகி அழைக்கும் செயலொழுக்கத்தையும் ஞானத்தையும் எப்போது அருள்வீர்? என்று பக்தியுடன் பொருந்தி நிற்கும் வானோரும் இப்பூவுலகத்தினரும் துதித்துப் போற்றும் "தன் வயத்தம், தூய்மை, இயற்கையறிவு, முற்றறிவு, பற்றின்மை, பேரருள், எல்லாம் வன்மை, வரம்பிலா இன்பம்" என்னும் எட்டு வகையான தெய்வீகக் குணங்களாலாகிய பஞ்சரத்தில் வதியும் மகா குருவாகிய திருமுருகப்பெருமானே!.

16.பேராசை என்னும் நோயில் கட்டுண்டு, "நல்லது, கெட்டது" எது என்பதைத் தெளிவாக ஆராய்ந்து அறியாத செயல்களை மேற்கொண்டு அடியேன் இவ்வாறு அலைந்து திரிவது தகுமோ? தெய்வீக வீரரே! பழங்காலத்து அசுரன் சூரபன்மன் இறந்தொழியும் படி வேலாயுதத்தைச் செலுத்திய சூரரே! தேவருலகைக் காப்பாற்றியவரே.

17.கற்று அறியும் கல்வியும் பெற்றுள்ள அறிவும் வேலாயுதப் பெருமானே நமக்கு அருளியுள்ள காரணத்தால், உலகத்தோரே! இந்நிலவுலகில் உள்ள அளவு ஆசையால் விளையும் மயக்கத்தை நீக்கி, அறச்செயல்களையும் உண்மையையும் கடைப்பிடித்து அறநெறியில் சென்று சேர்வீர்களாக, மேலும் திருமுருகப்பெருமான் அருட்கொடையாக அளித்த நாவைக் கொண்டு அப்பரம்பொருளின் புகழை ஓதிக்கொண்டிருப்பீர்களாக!.

18.சிவபெருமானின் மைந்தரே! பிறவாமலும், இறவாமலும், உணராமலும், மறவாமலும், பிரமனும் திருமாலும் அறியாமலும் விளங்குபவரே! யாவரினும் மேம்பட்டவரே! பாவமற்றவரே! புகலிடம் அளிக்கும் மூர்த்தியே! வானுலகைக் காத்தருளும் பெருமானே! சூரபன்மனுக்கு அச்சம் தருபவரே!.

19.கூரிய வேலாயுதத்தை ஏந்தியவாறு பிரபஞ்சத்தை ஆளும் ஆதியும் அந்தமும் இல்லாத மாமன்னரே! "வறுமை" என்னும் ஒரு பாவி தோன்றியவுடனே அழகும் செல்வமும் நல்ல மனமும் குணமும் குடும்பத்தின் பெருமையும் குலத்தின் பெருமையும் ஒருவரை விட்டுப் போய்விடுகின்றனவே.!

20.கிடைத்தற்கு அரிய உண்மைப் பொருளைப் பெறுதற்கு அடியேன் தகுதியுள்ளவனாகக் கருதித் தேவரீர் அடியேனுக்கு உபதேசத்தைப் போதித்த முறை வியக்கத் தக்கதே! மிகவும் உறுதியானதும் நிலையானதுமான வலிமையுடைய பிரணவப் பொருளாக வானோர் விரும்பித் தியானிக்கும் செவ்வேளே! வானோர் உலகைத் தாங்குபவரே!.

21நினைவும் மறதியும் அற்ற ஆன்மிக நிலையைக் கண்டுகொள்ள அடியேனுக்குத் தேவரீரின் தாமரை மலர்களையொத்த இரு திருவடிகளை அருள்வதற்கென்று மனம் இரங்குவீராக! கேட்ட வரங்களை அளிக்கும் மூர்த்தியே! திருமுருகப்பெருமானே! மயில் வாகனக் கடவுளே! அருவருப்புக்குரிய அசுரனாகிய சூரபன்மனைத் தேவரீரின் வேலாயுதத்தால் பிளந்தவரே!.

22.காளைப் பருவத்துக் குமாரமூர்த்தி என்று தியானித்து தேவரீரின் திருவடிகளைப் பணியும் படியான தவப்பேற்றை அடியேன் அடைந்தது வியப்பானதொன்றே! தென்னம் பாளையைப் போன்ற நீண்ட கூந்தலை உடைய வள்ளியம்மையாரின் திருப்பாதங்களைப் போற்றும் தேவரீர், விண்ணோர்களுக்குத் தலைவராய் மேருமலை ஒத்த பெருமை உடையவராகத் திகழ்கின்றீர்.

23.தேவரீரின் திருவடிகளைத் குறித்துத் தியானிக்காமல் அடியேன் அறிவின்மையால் முழுதும் அழிந்து படலாமோ? இது முறையோ? கூர்மையும் ஆற்றலும் உடைய வேலாயுதத்தை ஏந்தியவாறு உலகை ஆளும் மாமன்னரே, மின்னலையும் கொடியையும் ஒத்த குறவர் குல நங்கையாகிய வள்ளியம்மையாரைச் சேர்ந்த குணக்குன்று போன்றவரே!.

24.கூரிய வேல் போன்ற கண்களையுடைய மாதர்களின் கொங்கையிலே சேரும் விருப்பத்தை உடைய அடியேனின் மனம் தேவரீரின் திருவருள் கிடைக்கவேண்டும் என்று எண்ணும் நற்பேற்றினைப் பெறுமோ? மாமரமாகவும் கிரவுஞ்ச மலையாகவும் உருவெடுத்திருந்த அசுரன் சூரபன்மனை அழிப்பதற்கென்று அவற்றை வேரொடு தொளைத்து அழித்த பெரும் போர் செய்யவல்ல வேலாயுத்தை ஏந்தியவாறு உலகத்தைக் காக்கும் கடவுளே1

25.உண்மை வாழ்வென்று எண்ணி கொடிய வினைக்கு ஈடான இந்த வாழ்வில் களித்து மகிழ்ந்து, ஐயோ, அடியேன் அலைதல் முறையோ? தேவரீரின் திருக்கரங்கள் மட்டுமன்றி, கையில் ஏந்தும் வேலாயுதம், வீரக்கழல்கள் அணியப்பெற்ற திருவடிகள் ஆகியவை எல்லாம் செந்நிறமாய் அமைந்து, மயில் வாகனத்தின் மீது ஏறிய மாவீரரே!.

26.விண்ணுகத்தின் நாயகமணியே, ஒருதுணையும் இல்லாத அடியேன் தேவரீரின் திருவருளைப் பெறுமாறு சிறிதளவேனும் தேவரீர் எண்ணவில்லையே! வேதங்களாலும் ஆகமங்களாலும் போற்றப்படுபவரே! வேத முதல்வரே! வேதங்களைத் தொகுத்தவரே! ஆகமங்களை வகுத்தவரே! ஞான விநோத மூர்த்தியே! மனத்துக்கு எட்டாதவரே!

.

27.மின்னலைப் போலத் தோன்றி உடனே மறையும் நிலையற்ற வாழ்வை விரும்பியவனாகிய அடியேன் இவ்வாறு இருப்பதற்குக் காரணம் அடியேனின் வினைப்பயன் தானோ? பொன்னே! மணியே! செல்வமே! முக்தியாகிய அருட்பேற்றினை அளிப்பவரே! உலகை ஆளும் மாமன்னரே! மயில் வாகனத்தில் ஏறிவரும் முழுமுதற் கடவுளே!.

28.இனிய அமுதமே! கூரிய வேலாயுதத்தை ஏந்திய மாமன்னரே! ஞானத்தின் இருப்பிடமே! 'யான்' என்னும் ஆணவமுடைய அடியேனை தேவரீர் ஆட்கொண்டு அருளி எல்லாம் தானாகி நிலைத்திருக்கும் மேலான நிலையை இத்தன்மையது என்று விளக்கிக் கூற முடியுமோ?.

29.இல்வாழ்க்கை என்னும் மாய வாழ்வில் அடியேனைச் சிக்கவைத்துள்ள தேவரீர் கொடியவனாகிய அடியேனது அறியாமையைப் பொறுத்து மன்னித்தருளவில்லையே! மற்போர் செய்வதற்குரிய பன்னிரண்டு தோள்களிலும் அடியேனின் சொற்களாலாகிய பாடல்களையே மாலைகளாக அணிந்துகொள்ளும் ஒளி வீசும் வேலாயுதரே!.

31.மயிலை வாகனமாகக் கொண்டுள்ள திருமுருகப்பெருமானே! பாழ்படுவதான வாழ்க்கை என்னும் இந்தப் பெரிய மாயைச் சூழலிலே அடியேன் வீழ்க என்று தேவரீர் விதித்துவிட்டீரே! தேவரீர் அடியேனை இங்ஙனம் மாயை வாழ்வில் தள்ளி சிக்கவைத்தற்கு ஏற்கனவே அடியேன் செய்துள்ள தாழ்வான செயல்கள் ஏதேனும் காரணமாக உள்ளனவோ? அது எவ்வாறாயினும் தேவரீர் நீடு வாழ்வீராக!.

32.வெற்றி வேலனே! கலை சார்ந்த நூல்களையே அடியேன் கலக்கத்துடன் விரைந்து உருப்போட்டுக்கற்று தலை வேதனையுறும்படி ஆகிவிடவோ? கொலைத் தொழில் புரியும் வேடர் குலத்தில் தோன்றிய பெண் யானையைப் போன்ற வள்ளியம்மையாரைச் சேர்ந்தவரும் கிரவுஞ்ச மலையை வெற்றி வேலால் பிளந்தவருமான மலைபோன்ற கடவுளே!.

33.கங்கை நதி ஈன்ற வரத மூர்த்தியே! கந்தப்பெருமானே! திருமுருகப்பெருமானே! கருணைக்கு இருப்பிடமானவரே! மனத்துக்கு வருத்தம் தரும் இல்லற வாழ்க்கையுடன் செல்வம் என்னும் விந்திய மலைக்காடு போன்ற சிக்கல் நிறைந்த சூழலை அடியேன் என்று விட்டு விலகுவேன்?.

34.போரில் வல்ல மயில் வாகனத்தையுடையவரே! சண்முக மூர்த்தியே! கங்கை நதியின் பால குமாரனே! கிருபாகர மூர்த்தியே! அழகிய மாதர்கள் நிமித்தம் தீய வழியில் சென்று அடியேன் மனம் குலைந்து போகா வண்ணம் அடியேனுக்கு வரந்தந்து அருள்வாயாக!.

35.பிறை போன்ற ஒளி வீசும் நெற்றியை உடைய வள்ளியம்மையாரைத் தவிர வேறு யாரையும் துதிக்காத விரதம் பூண்டவரே! விண்ணோர்களின் மாமன்னரே! பிரமன் படைத்ததும் வினையாலானதுமான உடலைப் புறக்கணித்துவிட்டு அடியேன் நற்கதியை அடையும் படி செந்தாமரை மலர்களையொக்கும் தேவரீரின் வீரக்கழல்கள் அணியப்பெற்ற திருவடிகளை அடியேனுக்கு எப்போது அருள்வீர்?.

36.பிரமன் முதலாய விண்ணோர் தங்கள் தலையுச்சிமேல் அணியும் செந்தாமரை மலர்களையொக்கும் திருவடிகளை உடையவரே! வள்ளியம்மையாரின் திருவடிகளைத் தேவரீரின் முடிமீது கொள்பவரே! சிவபெருமான், "நாதரே, குமராய நம" என்று வணங்கி பிரணவ மந்திரத்தின் பொருளைத் தமக்கு உபதேசிப்பீராக என்று கேட்கத் தேவரீர் உபதேசித்தருளிய பொருள்தான் யாதோ?.

37.மனமே! அசுரன் சூரபன்மன் ஒளிந்திருந்த கிரவுஞ்ச மலை மீது செலுத்திய ஆற்றல் மிக்க வேலாயுதத்தை ஏந்திய திருமுருகக் கடவுளைப் போற்றும் அடியார்களின் குழுவைச் சேர்ந்தவன் என்னும் பதவியைப் பெறுவதையே நீ விரும்புவாயாக! "யான்" என்னும் ஆணவத்தை பொறுமையாகிய அறிவைக்கொண்டு அடியோடு வேருடன் அரிந்து தள்ளிவிடுவாயாக!.

38.கூதள மாலை அணியப் பெற்றவரே! வேடர் குலத்தவரான வள்ளியம்மையாரின் தலைவரே! வேதாளக் கூட்டத்தினர் புகழ்கின்ற வேலாயுத மூர்த்தியே! வீண்பேச்சு பேசுபவனாகவும் மிகவும் தீய குணமுடையவனுமாகிய அடியேனை ஒரு பொருளாகக் கருதி தேவரீர் ஆண்டருளிய கருணையானது சொல்லுந்தரமுடையதோ?.

39.உலகை ஆளும் மாமன்னரே! வேடர் குலத்தவரும் மின்னற்கொடி போன்றவருமான வள்ளியம்மையாரின் தோள்களைச் சேரும் கடவுளே! சிவபெருமானுக்குக் குருமூர்த்தியானவரே! பெரிய ஏழுவகையான பிறப்பு நீங்குமாறு மயக்கம் நீங்காத மண்ணாசை, பெண்ணாசை, பொன்னாசை எனப்படும் மூன்று வகை ஆசைகளும் எப்போது தான் முடிவுறுமோ?.

40.சுனைகள், அருவித் துறைகள், பசிய தினைப்புனம் ஆகியவற்றினிடையே வள்ளியம்மையாரைக் காணும் பொருட்டுத் திரிந்தவரே! வினையை வெருட்டி ஓட்டும் ஒளிபொருந்திய தேவரீரின் வேலாயுதத்தை அடியேன் மறவேன்! அத்தகைய அடியேன் இல்லற வாழ்வில் அகப்பட்டுக் கலங்கி அறிவை இழந்து மயக்கம் அடையலாகுமோ?.

41.வெற்றியைத் தரவல்ல வேலாயுதத்தை உடையவரே! திருமுருகப்பெருமானே! மயில் வாகனனே! யோக மூர்த்தியே! சிவபெருமானுக்கு ஞானோபதேசம் செய்த குருமூர்த்தியே! யமன் அடியேனின் உயிரைக் கலக்கிப் பிடிக்க வரும் அந்நாளில் அடியேன் இறவாது தேவரீரின் திருவடிகளை அடியேன் சேருமாறு காப்பாற்றியருள்வீராக!.

42.தியானிக்கப்படும் பொருளை, பசு, பாசம் பற்றிய அறிவைக் கொண்டு தியானிக்காமல், பதிஞானத்தைத் தியானித்து அறிகின்ற வழியைத் தனிச் சிறப்பு மிக்க வேலாயுதத்தை உடைய திருமுருகப்பெருமான் அடியேனுக்கு உபதேசித்தருளியவுடனே உலகத்தாருடன் கொண்டொழுகும் நெருங்கிய உறவுகள், வாக்கு, மனம், அறிவு ஆகியவற்றோடு அறியாமையும் நீங்கி ஒழிந்தனவே!.

43.ஆடை அலங்காரமாக முத்து, மரகதம் ஆகிய மணி வகைகளையும் ஆடையையும் அணியப்பெற்றவரும் வேடர் குலத்தவருமான வள்ளியம்மையாரின் அன்பரே! திருமுருகப்பெருமானே! தேவரீரின் அன்பும் அருளும் அடியேனுக்குக் கிடைத்த நற்பெற்றால், அடியேனின் ஆசை என்னும் விலங்கு பொடியாகிய பின்னர் மவுனம் என்னும் அனுபவ ஞானம் பிறந்ததுவே!.

44.பகைவர்களைத் தொளைத்து அழிக்கும் ஒப்பற்ற வேலாயுதத்தை உடைய திருமுருகப்பெருமானே! வீடுபேற்றின் நிலையிலும், விண்ணோர்களின் தலை மீதும் நான்கு வேதங்களிலும் கொடிய காட்டிடையேயும் தினைப்புனத்திலும் விளங்கும் வீரக்கழல்கள் அணியப்பெற்றத் தேவரீரின் திருவடிகளை அடியேன் சிரசின்மீது அடைக்கலமாகச் சூட்டிக் கொள்ளுமாறு தேவரீர் தந்தருளிய கருணையை அடியேன் எடுத்துச் சொல்லக்கூடுமோ?.

45.குரு மூர்த்தியே! குமாரப்பெருமானே! குலிசாயுதத்தை உடையவனே! பிணி முகம் என்னும் யானையை வாகனமாகக் கொண்டவனே! சிவயோகத்தை அருளும் கருணா மூர்த்தியே! தாம் கற்ற கல்வியறிவை பிறருக்குப் பயன்படுமாறு எடுத்துச் சொல்லாது வைத்துக் கொண்டிருப்பவர்களிடம் சென்று அடியேன் இரந்து கேளாவண்ணம் தேவரீர் உண்மை ஞானப்பொருளை ஈந்து அருள்புரிவீரோ?.

46.கந்தப் பெருமானே! ஒளிவீசும் வேலாயுதத்தை உடையவரே! உமாதேவியின் மைந்தரே! குமார மூர்த்தியே! வேத மூர்த்தியே! தேவரீர் அடியேனின் தாயும், அடியேனுக்கு அருள்புரியும் தந்தையும் ஆவீர்! அடியேனின் மனவருத்தங்கள் யாவற்றையும் நீக்கி அடியேனை ஆண்டருள்வீராக!.

47.சீற்றங்கொண்டு வந்த சூரபன்மனை அழித்து, விண்ணோர் இன்புறுமாறு அவர்களின் பொன்னுலகைக் குளிர்வித்தவரே! 24 ஆன்ம தத்துவம், 7 வித்யா தத்துவம், 5 சிவ தத்துவம் ஆகிய] முப்பத்தாறு தத்துவங்களையும் கடந்து அவற்றிற்கு அப்பால் உள்ள நிலையை எய்தும் நற்பேற்றினை அடியேன் பெறும் வாய்ப்பு உண்டோ?.

48.ஜீவபோதம் கடந்த நிலையில் நின்று சிவபோதத்தால் தேவரீரை அறியும் ஞானியரின் ஞானநிலையில் பிரிவு ஒன்றும் இல்லாது நிற்கும் திருமுருகப்பெருமான் அன்றோ தேவரீர்! உலக பந்தமான நெருங்கிய உறவுகள் அற்றுப் போகும் நிலையை எய்துவதால் அறியாமை என்னும் இருள் சிதைவுற்று அழியுமாறு மனக்கலக்கம் என்னும் மயக்கத்தை வென்ற ஞானியர்களோடு பொருந்தும் வேலாயுதக் கடவுளே!.

49.ஒளி வீசும் கதிர்களையுடைய வேலாயுத்தை ஏந்திய வேறுபாடுடைய திருமுருகப்பெருமானே! தேவரீரை நினைத்துத் தியானிப்பவர்களின் துக்கங்களை நீக்கும் கருணை விளங்கும் பேரொளியே! ஒரு சார்பும் இல்லாது தனித்து விளங்கும் பரம்பொருள் இத்தன்மைத்து என்று அறியுமாறு மற்றவருக்கு அடியேன் சொல்ல இயலுமோ?.

50.கங்கை நதிக்கு மைந்தரே! ஞானசுகத்தின் தலைவரே! திதி என்பவளின் புத்திரர்களாகிய அசுரர்களின் பெருமையைக் கெடுத்து அழித்த அதிவீரரே! அறிவு குலைந்து மிகவும் உள்ளம் சோர்வுற்று மயங்கி நற்கதி பெறும் வழியை இழந்து வீணாகக் கெட்டழிதல் அடியேனின் தலை விதியோ?.

51.உருவமுள்ளவராகவும், உருவமில்லாதவராகவும், உள்ள பொருளாகவும், காணவியலாத பொருளாகவும், நறுமணமாகவும், அந்த நறுமணத்தை உடைய மலராகவும், இரத்தினமாகவும் அந்த இரத்தினம் வீசும் ஒளியாகவும், உயிர் இடம்பெறும் கருவாகவும், உடலாகவும், உயிராகவும் நற்கதியான புகலிடமாகவும் அந்த நற்கதியை நோக்கிச் செலுத்தும் விதியாகவும் விளங்கும் குகமூர்த்தியே! தேவரீர் குருமூர்த்தியாக எழுந்தருளிவந்து அடியேனுக்கு அருள்புரிவீராக!.


நன்றி: http://karaneeswarartemple.blogspot.in/

எளிதாக பிறவா பெருநிலை அடைய வேண்டுமா?

 

மாணிக்கவாசகர் அன்றே கூறிய சத்திய நிகழ்வு ….

வானவூர் கொள்வோம் நாம் மாயப்படை வாராமே!

46 - திருப்படையெழுச்சி

ஞானவாள் ஏந்தும்ஐயர் நாதப் பறையறைமின்

மானமா ஏறும்ஐயர் மதிவெண் குடைகவிமின்

ஆனநீற் றுக்கவசம் அடையப் புகுமின்கள

வானஊர் கொள்வோம்நாம் மாயப்படை வாராமே 

தொண்டர்காள் தூசிசெல்லீர் பக்தர்காள் சூழப்போகீர்

ஒண்திறல் யோகிகளே பேரணி உந்தீர்கள்

திண்திறல் சித்தர்களே கடைக்கூழை செல்மின்கள்

அண்டர்நா டாள்வோம் நாம் அல்லற்படை வாராமே. ⁠ .

மாதந்தோறும் பௌர்ணமியில் முக்தி எனும் ஆத்மவிடுதலை சித்தர்கள், ரிசிகள் புடைசூழ குருவின் திருவருளால் ஆதிசக்தி தேவி நமை ஈசனுடன் மிக எளிதாக சேர்ப்பித்து மண்ணில் நல் வித்துக்களாய் வாழ அருள்புரிகின்றார்! வாரீர் பாண்டிச்சேரி ஞானாலயத்திற்கு!

மந்திர தீட்சை வழங்கி பிறவாப் பெரு நிலை அடையச் செய்து உள் உணரும் மார்க்கம் போதிக்கும் ஞானாலயத்திற்கு வாரீர்! பதிவு செய்ய அழைப்பீர்  89405 96665 மேலும் தகவலுக்கு https://enlightenedbeings.org முகவரி: ஞானாலயம், 27, ஜீவா தெரு, முத்திரையர் பாளையம், பாண்டிச்சேரி

எமது ஆத்ம் விடுதலை நிகழ்வு பற்றி அறிய https://docs.google.com/document/d/1WDCMTdEOxX4QeNGrjgIX4MHAI1cUEXGyFPbWsN7nJx0/edit

ஆத்மவிடுதலை அளிப்பீர்!

நீங்களும் ஆத்ம விடுதலை அளியுங்கள்: நாளை 9.30 மணிக்கு மேல் திருவோண நட்சத்திரம். தயவுசெய்து நமது சூட்சும குரு அகத்தியர் ஐயா கூறியவாறு, சென்ற மாதம் செய்த திருவோண பூஜையை செய்து தவிக்கும் பல கோடி உயிர்களுக்கு முக்தி அளித்திடுங்கள். 🙏🙏🙏🙏 அமைதி, ஆற்றல் நம்முள் அதிகரித்து வெளியிலும் பரவுவதை உணரலாம். பூஜை முறை மற்றும் காரணங்கள்: http://aarumugaththambiran.blogspot.com/2020/10/blog-post.html?m=1

உயிர்களுக்கு முக்தி அளியுங்கள்!

 இன்று திருவோண நட்சத்திரம். இது உயரிய நட்சத்திரம் ஆகும். உயிர்களைக் காக்கும் பெருமாளுக்கு உரியது. 

உடல் இருக்கும் போது எண்ணங்கள் நமை பல்வேறு விதமாக அலைகழிப்பதை  அறிவோம். அலைகழிக்கப்பட்ட எண்ணங்களுடன் உயிர் துறந்தவர்கள் உடலில்லா நிலையில், தவிக்கும் தவிப்பு கொடுமையானது. அவர்கள் அமைதியுற ஒரு எளிய பூஜை முறையை எல்லா மாதமும் 

திருவோண நட்சத்திரத்தன்று செய்ய அகத்தியபெருமானால்  ஜீவநாடியில் அருளப்பட்டது உள்ளது. 

இதனை உளப்பூர்வமாக நம்பிக்கையுடன் செய்ய பல உயிர்கள் அமைதியுற்று திருவோண நட்சத்திர ஒளியுடன் முருகப்பெருமான் எனும் செம்பு ஒளியின் உந்தலால் நீர்த் தன்மையுடைய காப்பவரான மகாவிஷ்ணுவை துளசி எனும் காந்த ஆற்றலால் அடைந்து பச்சைக் கற்பூர வாயுவால் கரைந்து அடைந்து, பின் ஈசனை அடையும். 

தயவுசெய்து பல்லாயிரக்கணக்கான உயிர்களுக்கு முக்தி அளியுங்கள். உங்கள் ஆன்மபலமும் கூடும். வாழ்வில் ஏற்றங்கள் ஏற்படும்.

திருவோண பூஜை

பெருமாளிடம், "அகத்தியர் உத்தரவின் பேரில் இதை செய்கிறோம். இதை ஏற்றுக்கொண்டு அனைத்து ஜீவ ராசிகளுக்கும், மோக்ஷத்தை அருளிட வேண்டும்" என வேண்டிக் கொள்ளவேண்டும்.

 ஒரு செம்பு பாத்திரத்தில் நீர்விட்டு, அதில், சிறிது துளசி, சிறிது மஞ்சள்பொடி, சிறிது பச்சைக்கற்பூரம் சேர்த்து, வடக்கு அல்லது கிழக்கு நோக்கி அமர்ந்து, வலதுகையை அந்த நீரில் மேலாக வைத்து "ஓம் ஸ்ரீ மாய மாலனே நமஹ" என 108 முறை ஜெபித்து, பின்னர் அந்த நீரை பூமியில்/மண் தரையில் விட்டுவிடவேண்டும். 

நீர் விடும் பொழுதும் "அகத்தியர் உத்தரவின் பேரில் இதை செய்கிறோம். இதை ஏற்றுக்கொண்டு அனைத்து ஜீவ ராசிகளுக்கும், மோக்ஷத்தை அருளிட வேண்டும்" என வேண்டிக் கொள்ளவேண்டும். 

நாம் பூமியில் விடும் தீர்த்தத்தை/பிரார்த்தனையை ஏற்று சென்று, இறைவனிடம் அவ்வுயிர்களுக்கு மோக்ஷத்தை வழங்க அகத்தியப்பெருமான் செய்வார். 

பிரார்த்திப்பவர் வாழ்வும் சிறப்பாக மேம்படும் என்ற அருள்வாக்கும் நல்கியுள்ளார் அகத்தியம்பெருமான்.

தவறாது உயிர்களுக்கு விடுதலை அளியுங்கள்!

பூஜை முறை siththanarul blog.

சண்முக கவசம்

                                                ஓம்


முழு முதல் பரம்பொருள் முருகனே என்று தெளிந்து உணர்ந்து அப்பரம்பொருள் மீது ‘ஆறாயிரத்து அறநூற்று அறுபத்தாறு” பாடல்களை அருளிச்செய்து ஆறு மண்டலங்களாக வகுத்து சிவனருள் கலைகளஞ்சியம் என்று போற்றத்தக்க வகையில் முருகனைப் புகழ்கிறார் பாம்பன்குமரகுருதாச சுவாமிகள்.


ஆறு ஆதாரங்களில் ஆறு படை வீடுகளின் திருவிளையாடளையும் காணு கின்ற வல்லமையைக் கூட்டும் “ஆறெழுத்து திருமந்திரம்” எவ்வளவு உயர்ந்தது; உன்னதமானது உயர்வு தன்மை உடையது; உள்ளத்தி லும் உணர்விலும் ஓங்கி வளர்வது; என்றெல்லாம் தபோதனர்கள் சிந்திக்கின்றார்கள்.

திருவாறெழுத்து திருமந்திரம் நினைத்தால் மனத்தூய்மை தரும்; சொன்னால் வாக்கு வளம் கூடும்; கேட்டால் செவி இனிக்கும்; படித்தால் பற்பல பயன்கள் கூடும்.

மந்திரங்களில் தலைசிறந்தது திருவாறெழுத்து மந்திரம் இதனை வலியுறுத்தி சுவாமிகள் அகச் சான்று, புறச்சான்று, அனுபவித்து, நிரூபித்து, அருள் தன்மையால் விளக்கி, குமார பரமேஸ்வரனின் திருநாம மகிமையை குறிப்பிட்டுள்ளது. ‘அகரம் முதல் னகரம்’ வரை முப்பது எழுத்துக்கள் 30 பாடல்களால் அருளிச்செய்த இக்கவசம் மகாமந்திர சக்தியுடையது என்பதற்கு ஓர் சான்று ‘ஓம் ஐம் ரீம்வேல் காக்க’ என்று குறிப்பிட்டுள்ளது. வேலின் திறத்தை நன்கு விளக்கி உயிர்களை காக்க வேண்டுமென்று பிராத்தனை செய்த குருநாதரின் உள்ளக்கிடக்கை எவ்வாறு வர்ணிப்பது.
 

சண்முகக் கவசத்தை தொடங்குகின்ற பொழுது ‘அண்டமாய் அவனியாகி’ என்று தொடங்குகின்ற பாங்கு ‘அண்டம்’ என்பது விண், வெளி, தகனம், விசும்பு, உலகம் என்று பலபொருள்படும்.
“ஆகாயம்” என்ற வெட்டவெளி தன்மையதாகவும் குறிப்பிடலாம்.

‘அண்டமாய்’ என்று தொடங்குவது – அண்டத்தின் தேவலோகத்து தெய்வயானைப் பிராட்டியை முன்னே வைத்து பாடியதாகும்.

அருணகிரியார், “முத்தைத் தருபத்தித் திருநகை அத்திக்கிறை சத்திச் சரவண” என்று தெய்வயானைப் பிராட்டியை முதலில் வைத்து பாடியதைப் பின்பற்றி “அண்டமாய்” என்றார்.

அறுசீர்க் கழிநெடிலடி ஆசிரிய விருத்தம்

அண்டமாய் அவனி யாகி
அறியொணாப் பொருள தாகித்
தொண்டர்கள் குருவு மாகித்
துகளறு தெய்வ மாகி
எண்டிசை போற்ற நின்ற
என்னருள் ஈச னான
திண்டிறல் சரவ ணத்தான்
தினமும்என் சிரசைக் காக்க. 1

ஆதியாம் கயிலைச் செல்வன்
அணிநெற்றி தன்னைக் காக்க
தாதவிழ் கடப்பந் தாரான்
தான்இரு நுதலைக் காக்க !
சோதியாம் தணிகை யீசன்
துரிசிலா விழியைக் காக்க !
நாதனாம் கார்த்தி கேயன்
நாசியை நயந்து காக்க ! 2

இருசெவி களையும் செவ்வேள்
இயல்புடன் காக்க ! வாயை
முருகவேல் காக்க! நாப்பல்
முழுதுநல் குமரன் காக்க !
துரிசறு கதுப்பை யானைத்
துண்டனார் துணைவன் காக்க !
திருவுடன் பிடரி தன்னைச்
சிவசுப்ர மணியன் காக்க ! 3

ஈசனாம் வாகு லேயன்
எனதுகந் தரத்தைக் காக்க !
தேசுறு தோள்வி லாவும்
திருமகள் மருகன் காக்க !
ஆசிலா மார்பை ஈராறு
ஆயுதன் காக்க; என்றன்
ஏசிலா முழங்கை தன்னை
எழில்குறிஞ் சிக்கோன் காக்க ! 4

உறுதியாய் முன்கை தன்னை
உமையிள மதலை காக்க;
தறுகண் ஏறிடவே என்கைத்
தலத்தைமா முருகன் காக்க;
புறங்கையை அயிலோன்காக்க;
பொறிக்கர விரல்கள் பத்தும்
பிறங்குமால் மருகன் காக்க;
பின்முது கைச்சேய் காக்க. 5

ஊண்நிறை வயிற்றை மஞ்ஞை
ஊர்தியோன் காக்க; வம்புத்
தோள்நிமிர் கரேசன் உந்திச்
சுழியினைக் காக்க; குய்ய
நாணினை அங்கி கெளரி
நந்தனன் காக்க; பீஜ
ஆணியைக் கந்தன் காக்க;
அறுமுகன் குதத்தைக் காக்க. 6

எஞ்சிடாது இடுப்பை வேலுக்கு
இறைவனார் காக்க காக்க;
அஞ்சகனம் ஓரி ரண்டும்
அரன்மகன் காக்க காக்க;
விஞ்சிடு பொருட்காங் கேயன்
விளரடித் தொடையைக் காக்க;
செஞ்சரண் நேச ஆசான்
திமிருமுன் தொடையைக் காக்க. 7

ஏரகத் தேவன் என்தாள்
இருமுழங் காலும் காக்க;
சீருடைக் கணைக்கால் தன்னைச்
சீரலை வாய்த்தே காக்க;
நேருடைப் பரடுஇ ரண்டும்
நிகழ்பரங் கிரியன் காக்க;
சீரிய குதிக்கால் தன்னைத்
திருச்சோலை மலையன் காக்க. 8

ஐயுறு மலையன் பாதத்
தமர்பத்து விரலும் காக்க;
பையுறு பழநி நாத
பரன்அகம் காலைக் காக்க;
மெய்யுடல் முழுதும் ஆதி
விமலசண் முகவன் காக்க;
தெய்வ நாயக விசாகன்
தினமும்என் நெஞ்சைக் காக்க. 9

ஒலியெழ உரத்த சத்தத்
தொடுவரு பூத ப்ரேதம்
பலிகொள் இராக்க தப்பேய்
பலகணத்து எவையா னாலும்
கிளிகொள எனைவேல் காக்க;
கெடுபரர் செய்யும் சூன்யம்
வலியுள மந்த்ர தந்த்ரம்
வருந்திடாது அயில்வேல் காக்க ! 10

ஓங்கிய சீற்ற மேகொண்டு
உவணிவில் வேல்சூ லங்கள்
தாங்கிய தண்டம் எஃகம்
தடிபரசு ஈட்டி ஆதி
பாங்குடை ஆயுதங்கள் பகைவர்
என் மேலே ஒச்சின்
தீங்குசெய் யாமல் என்னைத்
திருக்கைவேல் காக்க காக்க ! 11

ஒளவியம் உளர், ஊன் உண்போர்
அசடர், பேய், அரக்கர், புல்லர்,
தெவ்வர்கள் எவரா னாலும்
திடமுடன் எனைமல் கட்டத்
தவ்வியே வருவார் ஆயின்
சராசரம் எலாம்பு ரக்கும்
கவ்வுடைச் சூர சண்டன்
கைஅயில் காக்க காக்க ! 12

கடுவிடப் பாந்தள் சிங்கம்
கரடிநாய் புலிமா யானை
கொடிய கோள்நாய் குரங்கு
கோலமார்ச் சாலம் சம்பு
நடையுடை எதனா லேனும்
நான்இடர்ப் பட்டி டாமல்
சடுதியில் வடிவேல் காக்க;
சானவி முளைவேல் காக்க ! 13

ஙகர மேபோல் தமீஇ
ஞானவேல் காக்க ! வன்புள்
சிகரிதேள் நண்டுக் காலி
செய்யன்ஏறு ஆலப் பல்லி
நகமுடை ஒந்தி பூரான்
நளிவண்டு புலியின் பூச்சி
உகமிசை இவற்றால் எற்குஓர்
ஊறிலாது ஐவேல் காக்க. 14

சலத்தில்உய் வன்மீன் ஏறு
தண்டுடைத் திருக்கை மற்றும்
நிலத்திலும் சலத்தி லும்தான்
நெடுந்துயர் தரற்கே யுள்ள
குலத்தினால் நான்வ ருத்தம்
கொண்டிடாது அவ்வவ் வேளை
பலத்துடன் இருந்து காக்க;
பாவகி கூர்வேல் காக்க. 15

ஞமலியம் பரியன் கைவேல்
நவக்கிர கக்கோள் காக்க;
சுமவிழி நோய்கள் தந்த
சூலை ஆக்கிராண ரோகம்
திமிர்கழல் வாதம் சோகை
சிரம்அடி கர்ண ரோகம்
எமையணு காம லேபன்
னிருபுயன் சயவேல் காக்க. 16

டமருகத்து அடிபோல் நைக்கும்
தலையிடி கண்ட மாலை
குமுறுவிப் புருதி குன்மம்
குடல்வலி ஈழை காசம்
நிமிரொணாது இருத்தும் வெட்டை
நீர்ப்பிர மேகம் எல்லாம்
எமையடை யாம லேகுன்
நெறிந்தவன் கைவேல் காக்க. 17

இணக்கம் இல்லாத பித்த
எரிவுமா சுரங்கள் கைகால்
முணக்கவே குறைக்கும் குட்டம்
மூலவெண் முளைதீ மந்தம்
சணத்திலே கொல்லும் சன்னி
சாமென் றறையும் இந்தப்
பிணிக்குலம் எனைஆ ளாமல்
பெருஞ்சத்தி வடிவேல் காக்க. 18

தவனமா ரோகம் வாதம்
சயித்தியம் அரோச கம்மெய்
சுவறவே செய்யும் மூலச்சூடு
இளைப்பு உடற்று விக்கல்
அவதிசெய் பேதி சீழ்நோய்
அண்டவா தங்கள் சூலை
எனையும்என் இடத்தெய் தாமல்
எம்பிரான் திணிவேல் காக்க. 19

நமைப்புறு கிரிந்தி வீக்கம்
நணுகிடு பாண்டு சோபம்
அமர்த்திடு கருமை வெண்மை
ஆகுபல் தொழுநோய் கக்கல்
இமைக்குமுன் உறுவ லிப்போடு
எழுபுடைப் பகந்த ராதி
இமைப்பொழு தேனும் என்னை
எய்தாமல் அருள்வேல் காக்க. 20

பல்லது கடித்து மீசை
படப டென்றே துடிக்கக்
கல்லினும் வலிய நெஞ்சம்
காட்டியே உருட்டி நோக்கி
எல்லினும் கரிய மேனி
எமபடர் வரினும் என்னை
ஒல்லையில் தார காரி
ஓம்ஐம் ரீம்வேல் காக்க ! 21

மண்ணிலும் மரத்தின் மீதும்
மலையிலும் நெருப்பின் மீதும்
தண்நிறை சலத்தின் மீதும்
சாரிசெய் ஊர்தி மீதும்
விண்ணிலும் பிலத்தின் உள்ளும்
வேறெந்த இடத்தும் என்னை
நண்ணிவந்து அருளார் சஷ்டி
நாதன்வேல் காக்க காக்க. 22

யகரமே போல்சூ லேந்தும்
நறும்புயன் வேல்முன் காக்க,
அகரமே முதலாம் ஈராறு
அம்பகன் வேல்பின் காக்க,
சகரமோடு ஆறும் ஆனோன்
தன்கைவேல் நடுவில் காக்க,
சிகரமின் தேவ மோலி
திகழ்ஐவேல் கீழ்மேல் காக்க. 23

ரஞ்சித மொழிதே வானை
நாயகன் வள்ளி பங்கன்
செஞ்சய வேல்கி ழக்கில்
திறமுடன் காக்க, அங்கி
விஞ்சிடு திசையின் ஞான
வீரன்வேல் காக்க; தெற்கில்
எஞ்சிடாக் கதிர்கா மத்தோன்
இகலுடைக் கரவேல் காக்க. 24

லகரமே போல்கா ளிங்கன்
நல்லுடல் நெளிய நின்று
தகரமர்த் தனமே செய்த
சங்கரி மருகன் கைவேல்
நிகழெனை நிருதி திக்கல்
நிலைபெறக் காக்க; மேற்கில்
இகல்அயில் காக்க, வாயு
வினில்குகன் கதிர்வேல் காக்க. 25

வடதிசை தன்னில் ஈசன்
மகன்அருள் திருவேல் காக்க;
விடையுடை யீசன் திக்கில்
வேதபோதகன்வேல் காக்க;
நடக்கையில் இருக்கும் ஞான்றும்
நவில்கையில் நிமிர்கையில் கீழ்க்
கிடக்கையில் தூங்கும் ஞான்றும்
கிரிதுளைத் துளவேல் காக்க. 26

இழந்து போகாத வாழ்வை
ஈயும் முத்தையனார் கைவேல்
வழங்கும் நல்லூண் உண்போதும்
மால்விளை யாட்டின் போதும்
பழஞ்சுரர் போற்றும் பாதம்
பணிந்து நெஞ்சு அடக்கும் போதும்
செழுங்குணத் தோடே காக்க;
திடமுடன் மயிலும் காக்க. 27

இளமையில் வாலிபத்தில்
ஏறிடு வயோதி கத்தில்
வளர்அறு முகச்சி வன்தான்
வந்தெனைக் காக்க காக்க.
ஒளியெழு காலை முன்எல்
ஓம்சிவ சாமி காக்க.
தெளிநடு பிற்ப கல்கால்
சிவகுரு நாதன் காக்க. 28

இறகுடைக் கோழித் தோகைக்கு
இறைமுன் இராவில் காக்க;
திறலுடைச் சூர்ப்ப கைத்தே
திகழ்பின் இராவில் காக்க;
நறவுசேர் தாள்சி லம்பன்
நடுநிசி தன்னில் காக்க;
மறைதொழு குழகன் எம்கோன்
மாறாது காக்க காக்க. 29

இனமெனத் தொண்ட ரோடும்
இணக்கிடும் செட்டி காக்க;
தனிமையில் கூட்டந் தன்னில்
சரவண பவனார் காக்க;
நனியனு பூதி சொன்ன
நாதர்கோன் காக்க; இத்தைக்
கனிவொடு சொன்ன தாசன்
கடவுள்தான் காக்க வந்தே. 30

வன ஈசன் எழுந்தருளும் திருநாள்!

அகத்தீசனடி போற்றி!!!

வன ஈசன் பாண்டிச்சேரி ஞானாலயத்தில் 1000 வருடங்களுக்கு பின் எழுந்தருளும் திருநாள்... ஒன்றிணைவோம் ஈசனுடன்... வாரீர்....

முருகப்பெருமான் தலைமையேற்கும் வாழ்வியல் நூல் வெளியீட்டு விழா

அகத்தீசனடி போற்றி!!

பேராற்றல்களின் ஊற்றுக்கண்ணாக விளங்கும் பாண்டிச்சேரி ஞானாலயத்தில் வருகின்ற 8.9.2019 அன்று  இவ்வருடத்தின் கடைசி ஆறுமுகனார் தீட்சை வழங்கப்பட உள்ளது. எட்டாவது வட்ட மலர்களுக்கான முதல் கட்ட தீட்சையாக இது இருக்கும். அதற்கு 

அடுத்து வரும் முழுநிலவு நாளான வெள்ளிக்கிழமை 13.9.2019  அன்று மாலை  5.30 மணியிலிருந்து 8 மணி வரை  முருகப்பெருமானே நேரடியாக தலைமை ஏற்று  கலியுக மக்கள் வாழ்க்கை முறை எவ்வாறெல்லாம் இருக்கவேண்டும் என கூறும் வாழ்வியல் என்னும் நூல் தமிழிலும் ஆங்கிலத்திலும் (The Science and Purpose of Life) வெளிவரவுள்ளது.

அன்று மிக உன்னத தெய்வீக நிகழ்வுகள் நடக்க உள்ளது. அனைவரும் தவறாது இந்நிகழ்ச்சியில் கலந்து கொண்டு உன்னத அனுபவங்கள் பெற்றிடுமாறு அன்புடன் அழைக்கின்றோம்.

ஆதவ/சூரிய தரிசன உன்னத அனுபவங்கள்

ஆதவ/சூரிய தரிசன உன்னத அனுபவங்கள்

கடந்த 2018 நவம்பர் மாதத்தில் ஆதவ வழிபாடு குறித்து முருகப்பெருமான் அரசாட்சி புரியும் பாண்டிச்சேரி ஞானாலயத்தின் யூடியூப் காணொலி மூலம் அறிந்து இறையருளால் உடனே செயல்படுத்த ஆரம்பித்தேன்.

2018 கார்த்திகை மாதத்தில் தொடங்கிய ஆதவ வழிபாடு பல தெளிவுகளையும் அகவாழ்வு இகவாழ்வு ஏற்றங்களையும் தந்து கொண்டு உள்ளது.

ஈசனை விரைந்து அடையவும் ஒளியுடல் பெறவும், அகக்கண் திறந்து சிறந்த மாமனிதராய் வாழவும் சூரிய தரிசனமே மிகச் சிறந்த வழி.

ஞானாலய புத்தகமான பாரத்வாஜ மகரிஷிகள் அருளிய ஆகம வேதமும் வால்மீகி மற்றும் அகத்திய மகரிஷிகளின் கலியுக காவியம் - ஆத்மாவின் சுயசரிதமும்

ஆதவ தரிசனத்தின் முக்கியத்துவத்தை வலியுறுத்த அவரைப் பார்க்கும் நேரம் ஒவ்வொரு நாளும் அதிகரித்தது.

செந்நிறக்கதிரோன் உதித்த நேரம் அவரைக் கண்டு நீர் எடுத்து "எனக்கு பரிபூரண ஞானத்தை தந்தருளுங்கள்" என உள் உருக ஒன்றி வேண்டி நீரினை நிலம் விடுத்து ஆதவ மையத்தினை தரிசிக்க ஆரம்பித்தல் வேண்டும்.
முதல் நாள் ஈச அலைகள் அதிகம் வரும் முதல் 24 நிமிட   நேரத்தில் ஆதவக் கதிர் அளிக்கும் உள் முக ஏற்றங்களை உணர ஆரம்பித்தேன்.

அடுத்தடுத்த  நாள் அந்தி சந்தியில் நிமிடங்களை அதிகப்படுத்த பல அற்புதங்கள் உள் நிகழ ஆரம்பித்தது. இது 1.20 மணி நேரம் வரை சென்றது, அதற்கு மேல் பார்த்தால் வெப்ப ஆற்றலே உள் புகும்.

ஆதார சக்கரங்கள் ஒளிவெள்ளத்தால் நிரம்பி பரவுவதையும் உடல் நிலை சீரடைவதையும் கண்கள் பலமாவதையும் உணரலாம். ஒவ்வொரு செயலிலும் அகப்பார்வை மிகுந்து செயல்படுவதை உணரலாம். மேலும்  பல தெளிவுகள் பொதுவில் குறித்திட இயலாது.  உணர்ந்து அனைவரும் சீரடைந்திட வேண்டும்.

மேலும் ஆதவ ஒளி நேர்மறை உணவு (நேர்மறையை எதிர்மறையாக்கி அணுக்களுக்கு உணவாக்கும் ஆத்மா)  என்றால் முழு நிலவு என்பது ஆதவனுக்கு சமம். நேரடி உணவாகும் அணுக்களுக்கு. சிரசு உச்சி நஞ்சகன்று மெலிதாக இருக்கும் அன்று இந்நேரடி எதிர்மின்காந்த அலைகளைப் பெற முடியும்.  க. காவியம் அ-111.

எனவே முழுநிலவு ஒளியையும் 1-3 மணி நேரம் தரிசிக்க  தேகத்தில் மேற்குறிப்பிட்ட நிலைகள் விரைந்து ஏற்பட்டன.

மேலும் ஆழ்ந்த தெளிவு பெறவும் சிரசின் நிலை, அணுக்களின் நுண்நிலைகள் குறித்து அறியவும் மேற்குறிப்பிட்ட புத்தகங்களை வாங்கி பயனடையுங்கள். http://enlightenedbeings.org/books.php

ஆதவ வழிபாடு குறித்து சித்தர்கள் அருளிய செய்திகளை சகோதரி ஜெயந்தி ரவி அவர்கள்:

வருகின்ற ஜுன் மாதம் 9ம் தேதி ஆறுமுகனார் தீட்சை நடக்க உள்ளது. தொடர்ந்து மூன்று மாதங்கள் நடைபெற்று பின் பயிற்சியை ஒன்றி செய்ய அடுத்து வரும் ஐப்பசி பௌர்ணமியில் ஆறுமுகனார் தேர்ந்தெடுக்க ஆத்ம விடுதலை அடைந்து பிறவியில்லா பெறும்பேறு அடையலாம். தீட்சையில் கலந்து கொள்ள கீழ்க்கண்ட இணைப்பை சொடுக்கவும்.

http://enlightenedbeings.org/registration.php

தகுதிகள் http://enlightenedbeings.org/notification.php